|
|||||||||
Azərbaycan Jurnalistlər Birliyinin saytının təqdimatı keçirilib
Bakı. Elbrus Seyfullayev - APA. Azərbaycan Jurnalistlər Birliyinin (AJB) saytının təqdimat mərasimi keçirilib. APA-nın məlumatına görə, tədbirdə çıxış edən AJB sədri Elçin Şıxlı www.ajb.az saytının Açıq Cəmiyyət İnstitutu - Yardım Fondunun maliyyə dəstəyi ilə yaradıldığını deyib. O bildirib ki, saytda jurnalistikaya aid xəbərlər, mətbuat sahəsində qanunvericilik, əyalət jurnalistikası haqqında məlumatlar, təşkilatla bağlı informasiyalar yer alıb. E. Şıxlı saytda jurnalistlərin işlə təmin olunması, məqalə elanları və digər peşə yönümlü məlumatların da yerləşdiriləcəyini söyləyib. O, AJB-yə üzvlüklə bağlı məsələyə də aydınlıq gətirərək son bir ildə təşkilata üzv qəbulunun dayandırıldığını, hazırkı üzvlərin yenidən qeydiyyatdan keçirildiyini vurğulayıb. Qeyd edək ki, indiyə qədər AJB-yə 3 mindən artıq üzv qəbul olunub. |
|